مغامرات حسني مبارك
و أخيراً قرر حسني مبارك الإجتماع بالوزراء و بعد أند دخل آخر الوزراء يسري الجمل بكرشة الضخم....
قال مبارك:إية يا وزراء في أخبار سيئة أنا سمعتها عن البلد....بيقولوا أنا البلد عايشة في رفاهية الكلام دة صحيح؟
نظيف:لا يا ريس كلة ألشطة....
مبارك:إية يا حاتم أنا عندي نقص في كميات الإزبرين بتاع الصداع إية يا حاتم هعض مصدع طول النهار مش هعرف أرخم علي الشعب.
حاتم:معلش يا ريس أصلي كنت مشغول في صفقة إستيراد الأمراض من الخارج الحمد لله أنا جبت أنفلونزا الطيور و الخنازير و جنون البقر و الإدز و الفشل الكلوي و الحمد لله مندوبنا في بلجيكا قاللي أن صفقة أنفلونزا الصراصير في الطريق و....
ثم قاطعةوزير الإقتصاد قائلاً:يا ريس كان لية طلب صغير.
مبارك:قول.
الوزير:صفقة البلبيف اللي جبناها من السودان للأسف....
مبارك:أوعي تكون صالحة للأكل؟
الوزير:للأسف....أيوة مطلعطش فاسدة.
مبارك:يا لهوي الرقم القياسي ضاع دة أحنا كنا محققين2999 صفقة فاسدة و كان فاضل صفقة واحدة و ندخل موسوعة جنس للصفقان الفاسدة....لا يا أستاذ يتعملك خصم 5 مليون جنية من مرتبك.
الوزير:يا ريس أنا كدة هيتخرب بيتي...بعد الخصم هيبقي مرتبي45 مليون جنية بس.
مبارك:خلاص أستلف..خد أنا معايا شوية فكة3 مليون جنية...خد.
الوزير:3 مليون يا ريس دة مصروف أبني.
يسري الجمل:يا ريس.
مبارك:عايز إية يا أبن الجمل أنا عارف مشكلتك أكيد التعليم أنا هقوللك حاجة إحنا نقول لأنس الفقي يخلي الإعلام يقول:أن أنفلونزا الخنازير أنتشرت في المدارس و عايزك يا جبلي تشد حيلك معانا و بكدة لو الفصل فية 40 طالب هيغيب نصهم يعني20 طالب و بعد كدة نطبق نظام ( الجوهري56 ) و المدعوا بـ(التعلم النشط )و كدة هنخلي المدرسين يعضوا في البيت و التلاميذ تشرح لنفسها....التلاميذ متفهمش حاجة تغيب محدش ييجي المدارس و بكدة تطلع يا جمل علي المعاش.
وزير الإسكان:طيب و الشباب يا ريس عايزين شقق.
مبارك:المشكلة دي حلها بسيط جداً نبني عمارتين و نسميهم ( إسكان مبارك من عمو حسني مبارك )....
و العمارة فيها 8 شقق يعني 16 شقة إحنا نقول أنهم 32 و نأخد 32 أسرة مليون جنية و كل أسرتين في شقة و نكتب من برة ( لقمة صغيرة تكفينا و عش العصفورة تقضينا ).
وزير التضامن الأجتماعي:طب و اللحمة يا ريس.
مبارك:أحنا نعلن عن مسابقة جمهورية اللي يصوم 30 يوم ميكلش و لا يشرب هيأخد10 مليون جنية طبعاً الشعب كلة هيصوم مش هيستحمل فهيموت و بكدة نعض في البيت كلنا سهرة حلوة كدة زي زمان نتفرج علي أغنية ( رجب حوش صحبك عني ) و نشوف رجب هيحوش صحبة و لا لأ و لو محاشوش إعدام لرجب ماشي؟....رفعت القعدة....و النبي يا نظيف خليك جنتل و أبعتلي البت سوهير المدلكتية و الشيشة بطعم التفاح الأمريكاني و نقي منة البزر و ولع اللمبة الحمرا....ماشي؟
نظيف:أستااااذ!!!!
( تمت )
المؤلف/كريم محمد
22/5/2011م
ليست هناك تعليقات:
إرسال تعليق